Descubre as modernas e completas instalacións de Marzo Saúde.

Instalacións

As nosas instalacións

Para nós é importante ofrecerche, ademais de calidade no servizo, calidade nas nosas instalacións. É un centro novo onde coidamos ata o último detalle para que sexa agradable aos teus sentidos. Coñéceas!

Fisioterapia:

As 3 salas dedicadas ao tratamento de fisioterapia dispoñen de todo o necesario para realizar da forma máis axeitada os tratamentos, ao mesmo tempo que están pensadas para facerte sentir cómodo e relaxado.

Para nós é importante que durante o tratamento te sintas nun ambiente acolledor e tranquilo. Desta maneira encóntraste máis receptivo e o tratamento é máis efectivo.

Podoloxía

En Marzo Saúde dispoñemos dun amplo gabinete de podoloxía destinado a tratar todas aquelas afeccións relacionadas co pé. Trátase dun servizo dotado ademais cun banco de marcha de cinco metros e computerizado, así como con toda a maquinaria para a creación de soletas (plantillas) a medida realizadas polo persoal da clínica.

O equipo de Marzo Saúde traballa con diferentes empresas da terceira idade ás que ofrecemos os nosos servizos nas súas propias instalacións para causar as mínimas molestias aos residentes. Tamén facemos desprazamentos a domicilio naqueles casos nos que así nolo require o doente. Para iso contamos cunha importante selección de material e coas mellores máquinas portátiles.

Enfermería

Entre os servizos que prestamos atópanse as analíticas, a administración de inxectables, a toma e medición de glucemia, tensión arterial, electrocardiograma, espirometría ou saturación de osíxeno, entre outros.

É un servizo que tamén ofrecemos no propio domicilio para aqueles enfermos que así o demanden.

Ximnasio e spa

En Marzo Saúde contamos cun ximnasio deportivo equipado cunha ampla gama de aparatos para a realización de actividades cardiovasculares e outras especialidades relacionadas coa musculatura. O centro deportivo conta cunha completa sala de fitness, elípticas, cintas de correr, sumit ou peso libre, así como bicicletas e remos computerizados onde podes competir con outro compañeiro/a ou con usuarios de Internet.

A parte do Spa está equipada con saunas de vapor e calor, ducha escocesa, baño turco, sauna finlandesa, jacuzzi, zona de relaxación e ducha de chorros que inclúe cabina individual de sauna. Tamén ofrecemos distintos tipos de masaxes terapéuticas, así como a aplicación de barros, algas e fangos.

Sala de Valoración

Nesta sala realizamos as primeiras consultas. É onde facemos a historia do paciente, así como as probas de avaliación necesarias. Distínguese ben, xa que conta coa tecnoloxía máis avanzada para o estudo das patoloxías; incluíndo o elemento diferenciador que nos caracterizou estes anos, o ecógrafo.

Salas de tratamento

Sala de tratamento
Son salas que están deseñadas para permitirche un tempo de máxima tranquilidade e relaxación no tratamento. Ademais do deseño e a luz, a sala é apta para a realización de exercicio terapeútico.
Conta con aparatos Tens, EMS, Drenaxe linfática, lámpada de infravermellos, onda de choque, tecarterapia, microonda, magnetoterapia, todo tipo de vendaxes, laser, EPI, EPTE, agullas de punción seca e acupuntura, ganchos e por suposto unhas confortables padiolas.

Estética

En Marzo Saúde contamos cos tratamentos máis demandados na actualidade: a Radiofrecuencia, as ondas de choque e a presoterapia entre outros. Así como os tratamentos estéticos clásicos.