En Clínica Marzo Saúde combinamos a terapia manual e o exercicio coa tecnoloxía que mellor encaixa en cada caso. Antes de usar calquera aparello valoramos o teu problema e explicámosche que imos facer e por que. Ningún aparello substitúe o tratamento completo: compleméntao.
Tratamentos e aparellos de fisioterapia en Castroverde

Ecografía musculoesquelética
Vemos músculos, tendóns e ligamentos en tempo real, na propia consulta. Axúdanos a valorar a lesión, seguir a súa evolución e decidir o tratamento.

Tratamentos ecoguiados
Algunhas técnicas invasivas (como a punción seca, a EPI ou a EPTE) pódense facer guiadas por ecografía, para chegar con precisión á zona que hai que tratar.

Bomba diamagnética
Usa campos magnéticos de alta intensidade. Utilizámola sobre todo en procesos con inflamación e edema, e como complemento na recuperación de lesións. Sesión: 50 €.

Ondas de choque
Impulsos acústicos aplicados sobre a zona da lesión. Úsanse con frecuencia en tendinopatías crónicas, fascite plantar e calcificacións.

Tecarterapia
Xera calor en profundidade dentro dos tecidos. Axuda a mellorar a circulación local, a relaxar a musculatura e a preparar o tecido para a terapia manual e o exercicio.

Electroterapia (Compex, Chattanooga)
Correntes para o control da dor (TENS) e para a activación e o fortalecemento muscular (electroestimulación).

EPI (electrólise percutánea intratisular)
Técnica invasiva cunha agulla de acupuntura e unha corrente galvánica moi localizada, indicada sobre todo en tendinopatías. Realízaa un fisioterapeuta formado especificamente.

EPTE
Técnica de electrólise percutánea e neuromodulación con agulla, aplicada a tendóns e a nervios segundo o caso.

Presoterapia
Compresión pneumática secuencial con botas ou manguitos. Favorece o retorno venoso e linfático: pernas cansas, edemas e recuperación despois do esforzo.
Game Ready
Frío e compresión á vez, de forma controlada. Moi útil tras cirurxías e lesións agudas para controlar a dor e a inflamación. Tamén o alugamos para usar na casa.
mDurance: valoración muscular con sensores
Sensores de electromiografía de superficie que miden como se activan os teus músculos. Dannos datos obxectivos para valorar e para seguir a túa evolución sesión a sesión.
Onda de choque diamagnética indolora
Versión de onda de choque que se aplica sen dor grazas á tecnoloxía diamagnética. Permite tratar zonas sensibles e persoas que non toleran a onda de choque convencional.
Microonda
Diatermia por microondas: calor profundo e localizado en músculos e articulacións, como complemento en procesos dolorosos e contracturas.
Neuromodulación
Estimulación eléctrica dun nervio, con agulla ou con eléctrodos, para modular a dor e mellorar a función do músculo que depende del.
Láser de alta intensidade
Luz que chega en profundidade aos tecidos. Usámola como complemento en procesos dolorosos e na recuperación de lesións.
Estimulación magnética superinductiva (SIS)
Campo electromagnético de alta intensidade que estimula nervios e músculos sen contacto nin agullas. Útil na dor neuropática, na debilidade muscular e na reeducación muscular.
Magnetoterapia
Campos magnéticos de baixa intensidade aplicados durante máis tempo. Usámola como complemento en procesos óseos e articulares e na dor crónica.
Non sabes que tratamento necesitas? Na primeira cita valorámoste e propoñémosche o plan máis axeitado. Non fai falta volante médico. Trae os informes e probas que teñas.
